Enab Activities and Event reports

የኢትዮጵያ ሰብዓዊ መብት ኮሚሽን አካል ጉዳተኞችን በሚመለከት የኢትዮጵያ አየር መንገድ የሚሰጠውን አገልግሎት መሰረት ያደረገ ውይይት ተካሄደ። By Alazar በትናንትናው ዕለት የኢትዮጵያ ሰብዓዊ መብት ኮሚሽን አካል ጉዳተኞችን በሚመለከት የኢትዮጵያ አየር መንገድ የሚሰጠውን አገልግሎት መሰረት ያደረገ ክትትል እና ግምገማ በማድረግ በተገኘው መረጃ ላይ ከሚመለከታቸው አካላት ጋር ማለትም ኢናብን ጨምሮ ከተለያዩ አካል ጉዳተኞች ማህበራት፣ ከኢትዮጵያ አየር መንገድ ባለስልጣናት…


የኢትዮጵያ ሰብዓዊ መብት ኮሚሽን አካል ጉዳተኞችን በሚመለከት የኢትዮጵያ አየር መንገድ የሚሰጠውን አገልግሎት መሰረት ያደረገ ውይይት ተካሄደ።

By Alazar

በትናንትናው ዕለት የኢትዮጵያ ሰብዓዊ መብት ኮሚሽን አካል ጉዳተኞችን በሚመለከት የኢትዮጵያ አየር መንገድ የሚሰጠውን አገልግሎት መሰረት ያደረገ ክትትል እና ግምገማ በማድረግ በተገኘው መረጃ ላይ ከሚመለከታቸው አካላት ጋር ማለትም ኢናብን ጨምሮ ከተለያዩ አካል ጉዳተኞች ማህበራት፣ ከኢትዮጵያ አየር መንገድ ባለስልጣናት እና ከሌሎች ባለድርሻ አካላት ጋር የሙሉ ቀን ውይይት ተካሂዷል። በውይይቱም ላይ የሚከተሉት ዋና ዋና ነጥቦች ቀርበዋል፡

1.የውይይቱ ዓላማ፡ የኢትዮጵያ አካል ጉዳተኞች የኢትዮጵያን አየር መንገድ ሲጠቀሙ የሚያጋጥሙዋቸውን ችግሮች መለየት፣የመፍትሄ ሀሳብ ማስቀመጥ እና ውትወታ ማድረግ ነው ።

  1. ክትትል የተደረገባቸው አየር መንገዶች ዝርዝር

*ቦሌ አለም አቀፍ ኤርፖርት

*ባህር ዳር ኤርፓርት

*ሀዋሳ ኤርፓርት

*ጅማ ኤርፓርት

*ጋምቤላ ኤርፓርት/በከፊል

  1. በተደረገው ክትትል መሰረት የተለዩ ዋና ዋና የአየር መንገዶች ጉድለቶች፡

*አካል ጉዳተኞችን በሚመለከት መመሪያ፣ፓሊሲ እና ሌሎች ይህግ ማዕቀፎች አለመኖራቸው

*ከበረራ መረጃ ጋር በተያያዘ ከድምፅ ባሻገር የብሬል ህትመት ቢኖርም ትግበራው ላይ ክፍተት መኖሩ

*የሀዋሳ አየር መንገድ ራምፕ ምቹ አለመሆን

*የባህር ዳር አየር መንገድ መፀዳጃ ቤቶች ስታንዳርድ ያላሙዋሉ መሆን

*ለአካል ጉዳተኞች የግል መፈተሻ ክፍሎች ቢዘጋጁም ምቹና ተደራሽ አለመሆናቸው፤ በተለይ የባህር ዳር አየር መንገድ መፈተሻ ክፍሎች በመጋረጃ ብቻ መዘጋታቸው እንዲሁም ሀዋሳና ጅማ ፍተሻ የሚከናወነው በመፀዳጃ ቤቶች በመሆኑ ነፃነትን የሚጋፉ አሰራሮች እንደሆኑ ተገለፃል።

*የሀዋሳ አየር መንገድ ወለል አንሸራታች መሆኑ

*የክልል አየር መንገዶች ውስጥ የአውቶብስ አግልግሎት አለምኖሩ

*በሁሉም አየር መንገዶች የምልክት ቋንቋ አስተርጓሚዎች አለመኖር

*በፍተሻ ቦታዎች ላይ ብዙ ወከባ እና መንገላታቶች መኖራቸው

የአየር መንገዶች ስራተኞች ስለ አካል ጉዳተኞች ያላቸው ግንዛቤ ውስን መሆን

*ኬን እና ክራንች ከአካል ጉዳተኞች ተለይተው ካርጎ እንዲገቡ ማድረግ

*አውሮፕላን ውስጥ ያሉ መፀዳጃ ቤቶች ለዊልቸር ተጠቃሚዎች ምቹ አለመሆን እና ሌሎችም ጉድለቶች በሰፊው ተነስተው ውይይት ተደርጓል።

  1. በውይይቱ ላይ የቀረቡ ምክረ ሀሳቦች

*የኢትዮጵያ አየር መንገድ የተደራሽነት ኦዲት እንዲሰራ ተመላክቷል

*አካታች የአየር መንገድ ውስጥ መመሪያ፣ፓሊሲ እና ደንቦች እንዲዘጋጁ

*ተሻጋሪ ድልድዮች በሁሉም አየር መንገድ እንዲዘጋጁ

*በቂ እረዳቶችና ዊልቸሮች እንዲቀርቡ

*የምልክት ቋንቋ አስተርጓሚዎች እንዲመደቡ

*የአደጋ ጊዜ ማስጠንቀቂያ መረጃዎች በብሬል እንዲዘጋጁ

*በድምፅ የሚሰሩ አቅጣጫ ጠቋሚ ምልክቶች እንዲዘጋጁ

*የመፈተሻ ክፍሎች ተደራሽ እንዲሆኑ

*የአየር መንገዶች ስራተኞች ስለ አካል ጉዳተኞች ተጨማሪ ስልጠና እንዲወስዱ የሚሉ እና የተለያዩ ምክረ ሀሳቦች ቀርበዋል በውይይቱ መጨረሻ ላይም የኢትዮጵያ አየር መንገድ ተወካዮች የግምገማ ውጤቱን ሙሉ በሙሉ እንደሚቀበሉት እና ከሚመለከታቸው አካላት ጋር በመተባበርና በቅርበት በመስራት የተጠቀሱ ችግሮችን ለመቅረፍ እንደሚሰሩ ቃል ገብተዋል።


Leave a Reply

Your email address will not be published. Required fields are marked *